Tamil novel of this moth in kindle - இந்த மாத கிண்டில் தமிழ் நாவல்

ஹலோ மக்களே!

கிண்டில்ல ஒவ்வொரு மாசமும் அப்லோட் பண்ணுற கதையோட டீடெய்ல்ஸ் அண்ட் லிங்ஸ் இங்க ஷேர் பண்ணப்படும்...

இந்த மாதத்திற்கான கிண்டில் நாவல் 'ஒரு காதலும் சில கவிதைகளும்'. அருணோதயம் பதிப்பகத்தில் இந்த நாவலைப் புத்தகமாகவும் வாங்கி படிக்கலாம்.

கதை சுருக்கம்

ஒரு காதலும் சில கவிதைகளும் – 2024 அக்டோபர் மாத வெளியீடாக அருணோதயம் பதிப்பகம் மூலம் வெளிவந்த நூல். சங்கவி – சரபேந்திரனின் காதலை இரு குடும்பமும் ஏற்றுக்கொண்டார்கள். நிச்சயதார்த்தம் வரை சென்ற அவர்களின் உறவு திடுமென முறிந்தது ஏன்? படித்து உங்கள் கருத்துகளைப் பகிருங்கள்.

நன்றியுடன்
நித்யா மாரியப்பன்

#amazonkindle #ஒரு_காதலும்_சில_கவிதைகளும் (After marriage + middle class love story)

இப்போது அமேசானில்... படித்து உங்கள் கருத்துகளை பகிர்ந்துக்கோங்க மக்களே!

கதையிலிருந்து சில வரிகள்....

“உள்ள வாங்க... கதவு பக்கத்துல நிக்க வச்சு பேசி அனுப்புனா உங்க ஆடிட்டர் கோச்சுப்பார்ல”
இது அவனே தான்! சங்கவியின் முகம் கடுப்பில் சிவந்தது.
இரு இரு! ஏன் இவ்வளவு கடுப்பு! நிதானமாக உள்ளே போய் அலுவல்ரீதியான பேச்சை மட்டும் பேசி முடித்துவிடு!
மனசாட்சி அறிவுரை வழங்கியது.
சங்கவிக்கும் அமைதியாய் பேச்சுவார்த்தை கழியவேண்டுமென ஆசை தான். நடக்குமா? நடப்பது அவள் கையில் மட்டுமா இருக்கிறது?
இதற்கு மேலும் தாமதித்தால் அவனைக் கண்டு பயந்ததாக எண்ணிக்கொள்வானென விறுவிறுவென உள்ளே நுழைந்தவளின் பார்வை கண்ணெதிரே கிடந்த மேஜையையும் அதன் மீது ‘சி.எம்.ஏ சரபேஸ்வரன், அக்கவுண்ட்ஸ் மேனேஜர்’ என்ற பெயர்ப்பலகையையும் தாண்டி உயரவேயில்லை.
“ப்ளீஸ் சிட்”
அமைதியாக அமர்ந்தவள் பேச்சை ஆரம்பிக்க ஆயத்தமானாள்.
“என் ஃபேமிலி உன்னைப் பொண்ணு கேட்டு வந்தப்ப கூட நீ இவ்ளோ வெக்கப்படல”
சீண்டியது அவனது குரல்! மனசாட்சி கூறிய அறிவுரையைக் கேட்கும் எண்ணத்தை அப்போதே கைவிட்டவள் நிமிர்ந்து அவனை நேருக்கு நேராகப் பார்த்தாள்.
அதே உயரம், அதே புன்னகையோடு திருப்பதி மைன்சின் சீருடையான ட்ராபிக்கல் ப்ளூ சட்டை அடர்நீலவண்ண பேண்டில் அம்சமாகவே இருந்தான் சரபேஸ்வரன்.
தோற்றத்தில் மட்டும் கொஞ்சம் மாறுதல்! அடர்த்தியான மீசையும் அது கோடாய் மாறி ட்ரிம் செய்யப்பட்ட தாடியோடு இணைந்த விதமும் அவனைக் கொஞ்சம் முதிர்ச்சியாகக் காட்டியது.
“எப்பிடி இருக்க கவி?”
குரலில் மட்டுமல்ல கண்களிலும் டன் கணக்கில் கனிவு சொட்டியது. அது சங்கவியின் மனதைத் தொடவில்லை.
அவனோடு பேச்சை வளர்க்க விருப்பமின்றி வந்த விசயத்தை ஆரம்பித்தாள் சங்கவி.
“மூனு வருசமா நான் எந்தப் பிரச்சனையும் வராம உங்க கம்பெனியோட டி.டி.எஸ் அண்ட் ஜி.எஸ்.டி ஃபைலிங்கை பாத்துக்கிட்டேன் சார்... இப்ப திடீர்னு நீங்க ஜூனியர் அக்கவுண்டண்ட் கிட்ட அந்தப் பொறுப்பை ஒப்படைக்கப்போறதா சந்தானம் சார் சொன்னாங்க... அது சம்பந்தமா பேசிட்டுப் போகலாம்னு வந்தேன்”
“அது முடிஞ்சு போன விசயம்... இனிமே அதைப் பத்தி பேசிப் பிரயோஜனமில்ல... ஜூனியர் அக்கவுண்டண்டுக்கு ஃபைலிங் பத்தி சொல்லிக் குடுக்கத் தான் உன்னை இங்க வரச் சொன்னேன்”