அலைவரிசை 52
“எந்த ஒரு வேலையையும் செய்யுறதுக்கு முன்னாடி யோசிக்கிறதுல அர்த்தம் இருக்கு... ஆனா செஞ்சு முடிச்சதுக்கு அப்புறம் ஏன்டா செஞ்சோம்னு யோசிக்கிறது முட்டாள்தனம்... அதே மாதிரி ஒரு முடிவெடுத்துட்டா அதை ஸ்ட்ரிக்டா ஃபாலோ பண்ணுங்க... சரியோ தப்போ எடுத்த முடிவுல உறுதியா இருக்குறவங்க தான் தொழில்லயும் சரி, லைஃப்லயும் சரி முன்னேறிப் போவாங்க... இண்டிசிஷிவ் நேச்சர் அதாவது முடிவெடுக்க தயங்குற குணம் இருக்குறவங்க எந்த முடிவுலயும் உறுதியா நிக்கவும் மாட்டாங்க... அவங்களை நம்புறது மண் குதிரையை நம்பி ஆத்துல இறங்குறதுக்குச் சமம்... சோ சரியோ தப்போ எதையும் செய்யுறதுக்கு முன்னாடி தீர யோசிச்சு முடிவெடித்து டைம்கு செஞ்சு முடிங்க... அதோட விளைவுகள் எப்பிடி இருந்தாலும் அதை ஃபேஸ் பண்ண தயாராகுங்க” -கிருதியின் கிறுக்கல் மொழிகள் க்ராண்ட் பேலஸ் ஹோட்டல், அடையார்... நான்கு ஏக்கரில் பரந்து விரிந்த அந்த ஹோட்டலின் பார்ட்டி ஹால் டி.ஜேவின் இசை வெள்ளத்தில் நிரம்பி வழிந்தது. தனஞ்செயனும் அஞ்சலியும் தனது திருமண நிகழ்ச்சிக்காக ஹோட்டலின் அறைகளை புக் செய்திருந்தனர். முந்தைய தினம் மெஹந்தி நிகழ்